Manzon Allah ﷺ yace:

Ka yawaita yi min salati a daren Juma'a da ranar Juma'a. Duk wanda yayi min salati sau daya, Allah zai yi masa salati sau goma.

Sahihul Jami'i 1209

Manzon Allah ﷺ ya ce:

Mutanen da suka fi kusanci da ni ranar kiyama su ne wadanda suka fi yawaita salati gare ni.

Sahih al-Targheeb 1668

Manzon Allah ﷺ ya ce:

Allah yana da mala'iku masu yawo a doron kasa, suna isar mani gaisuwar al'umma ta (Salati).

Sahihul Nasa'i 1281

Manzon Allah ﷺ ya ce:

Ku yawaita salati gareni, domin Allah ya sanya Mala'ika a kabarina. Idan wani mutum daga cikin al'ummata ya yi mini salati, sai wannan mala'ikan ya ce da ni: Ya Muhammadu, dan wane-da-wane, ya aiko da sallamarsa zuwa gare ka.

Sahihul Jami'i 1207

Manzon Allah ﷺ ya ce:

Ba mai yi min salati face sai Allah ya dawo min da raina har sai na mayar masa da gaisuwa.

Sahih Abi Dawud 2041

Manzon Allah ﷺ ya ce:

Ku yi mini salati, ku gaishe ni, domin salatin ku tana isa gare ni a duk inda kuke.

Sahih al-Jami' 3785

Manzon Allah ﷺ ya ce:

Wanda ya yi min salati, Allah zai yi masa salati goma.

Sahih Muslim 384

Ya Allah kayi salati da sallama ga Annabinmu Muhammad ﷺ

Abou Khadeejatu Assalafeey

01/02/1446

25/07/2025